Er nóg til af heitu vatni?

Fyrsta áhyggjuefni fólks varðandi Orkuveituna er líklega hvort það sé til rafmagn á heimilinu og síðan hvor það sé til heitt vatn þar. Þetta er ansi fjarlægt áhyggjuefni, eða hvað? Nóg til af rafmagni í landinu og mörg ár síðan síðast varð rafmagnslaust í betri hverfum Reykjavíkur lengur en nokkar mínútur.

Ég velti þó fyrir mér heita vatninu. Ef það þarf að skrúfa fyrir sundlaugar við 10° frost, hvað þá ef hér kemur alvöru kuldakafli? Meginhluti þjóðarinnar býr kringum 64° norðlægrar breiddar. Þar ríkir 20-40 gráðu frost meginhluta vetrar á öðrum slóðum en við Golfstrauminn og ekkert sem útilokar að hér komi nokkurra vikna kafli með 10-15 gráðu frosti. Hvað þarf að skrúfa fyrir þá?

Ég hélt að með tilkomu Nesjavallavirkjunar, þegar kælivatn af hverflum hennar bættist við heitavatnsbúskap Orkuveitunnar (þá HR) hefði komið nóg af heitu vatni. Síðan þá hefur fjölgað á svæði Orkuveitunnar, en einnig komið viðbótarvatn af Hellisheiðarvirkjun.

Fundargerðir Orkuveitunnar birtar

Athugasemdir

[Vilhjálmur Örn Vilhjálmsson, 1.2.2008 kl. 21:07]

"Ekki gráta ástin mín, þó þig vanti vítamín", eins og stendur í ljóðinu. Fólk hefur sýnt það, t.d. í rússnesku byltingunni, að þegar verður mjög kalt, þá fjölgar mannfólkinu verulega níu mánuðum síðar. Þeir sem ekki voru á þeim buxunum voru sendir í Gulag og frystir í hel - og þá er meira heitt vatn fyrir þá sem eftir eru.

Velkominn í hóp kaldhæðnismanna á blogginu. Það er orðið nokkuð síðan ég sá þig síðast.