Ábyrgð Vilhjálms og ábyrgð annarra

Vilhjálmur Þ. Vilhjálmsson tók þátt í prófkjöri Sjálfstæðismanna til borgarstjórnar og náði fyrsta sæti, nokkuð örugglega. Þetta var fyrir rúmum tveimur árum, þann 6. nóvember 2005. Það getur haft mikil áhrif á flokkinn ef bola á burt oddvita flokksins og borgarstjóraefni.

Ekkert er ómögulegt í pólitík. Þáttur flokksforystu fer að verða stærri og stærri spurning í málefnum borgarstjórnar. Það er þekkt að Geir Haarde aðhyllist laissez-faire-stefnu, að minnsta kosti ef marka má skrif hans hér á árum áður í ritið Frelsið. Á íslensku hefur þetta verið kallað látið ganga eða látið vera, og þýðir afskiptaleysi af athöfnum borgaranna.

Afskiptaleysi getur tekið á sig ýmsar myndir. Þegar þeir sem ætlað er að stjórna vilja ekki grípa inn í þegar í óefni stefnir, þá hafa þeir tekið á sig ábyrgð, ábyrgð afskiptaleysisins.

„REI - ætlar Sjálfstæðisflokkurinn ekki að axla ábyrgð?“

Athugasemdir

[Elías Halldór Ágústsson, 9.2.2008 kl. 13:46]

Þetta er það sem að "axla ábyrgð" merkir í dag, að segjast "axla ábyrgð". Ég veit ekki til þess að merkingin sé nokkur önnur í íslenskum stjórnmálum. Hið vitrasta fólk hefur meira að segja haldið því fram að lög um landsdóm séu úr sér gengin fyrir notkunarleysi.