Hvers vegna verkafólk kýs Sjálfstæðisflokkinn

Ég velti því fyrir mér, eins og fleiri, hvers vegna svo margt verkafólk hefur kosið Sjálfstæðisflokkinn. Það er þó ekki heimska, að minnsta kosti ekki einber heimska, sem þessu veldur.

Það er þannig með alvöru verkafólk að það vill hafa vinnu. Því líður ekkert vel án vinnu. Þá má jafnvel kalla það verklaust fólk.

Þegar heyra má fulltrúa vinstri hreyfingar tala um að hjól atvinnulífsins sé klisja og þegar sama hreyfing finnur allt að flestum kostum til að fólk fái vinnu, þá er valið fremur einfalt.

Það er um hundrað milljarða króna gat (um hálf milljón á hvern fullorðinn Íslending) sem vantar upp á ef á að vera hægt að halda svipaðri félagslegri þjónustu, heilbrigðisþjónustu og menntastigi og við höfum haft undanfarin ár. Um leið gengur tólfta hver vinnufær manneskja atvinnulaus.

Það vinstrafólk sem hefur efni á að neita flestum framkvæmdakostum við þessa stöðu, með hugsjónina að vopni, það hefur með athöfnum sínum svarað spurningunni um hvers vegna verkafólk kýs svo margt Sjálfstæðisflokkinn.

Athugasemdir

[Anna Sigríður Guðmundsdóttir, 23.3.2010 kl. 17:18]

Það er fínt að heyra hugsjóna-fólk nefnt á nafn! Og sérstaklega af einhverjum sem styður S-flokkinn

Kanntu annan?

Ég velti því fyrir mér hvaða reikniformúlu S-flokkurinn notaði þegar hann keyrði hér allt til vítis, þó ekki Kötlu-vítis

Gangi þér vel með áróðurinn. Þetta fer allt beint á veraldarvefinn og fínt og löngu tíma-bært að auglýsa "hugsjónir" Svika-S-flokksins á Íslandi. M.b.kv. Anna

[Ingibjörg Stefánsdóttir, 23.3.2010 kl. 18:30]

Sæll Sveinn

Ég trúi því ekki fyrr en ég tek á því að fá þetta lið: http://www.eca-program.com/html/company.php til landsins. Það er líka mikilvægt að vanda atvinnuupbygginguna. Það sýnir Kárahnjúkabólan og hrunið í kjölfar hennar. Meira um þetta á blogginu mínu.

[Jóhamar, 24.3.2010 kl. 17:13]

Heyrðu Anna S, ætti þetta ekki annars að vera SS, það er segja Samfylkingar- Sjálfstæðisflokkurinn? Gaman að því þó, að Sveinn sé gerður að S-manni. En eins og Anna S bendir réttilega á þá er öll gagnrýni auðvitað af hinu illa og gerir mann strax að sjálfstæðismanni.